ಹೊಸತೊಂದು.... ಹೊಸತು

ನೆನಪುಗಳ ಪುಟದಲ್ಲಿ ಆಸೆಯ ದೋಣಿ ತೇಲಾಡಿ
ಬರುತಿದೆ ಈ ಶತಮಾನದ ಇನ್ನೊಂದು ವರುಷ
ಮರೆಯೋಣ ಕಹಿ ನೆನಪುಗಳ ಬುತ್ತಿಯನ್ನು
ಬನ್ನಿ ಎಲ್ಲ ಸೇರಿ ಆಶಿಸೋಣ

ಸುನಾಮಿಯ ಅರ್ಭಟ ಕಾಡದಿರಲಿ
ಭೂಕಂಪಕ್ಕೆ ಅನುಕಂಪದ ಅಲೆ ತಾಗಲಿ
ಭಯೋತ್ಪಾದನೆಯ ಪಾಳಯದಲ್ಲಿ ಶಾಂತಿಯ ನೆಲೆಯಾಗಲಿ
ನಕ್ಸಲಿಗರ ಸ್ಯೆನ್ಯದಲ್ಲಿ ಪ್ರೀತಿಯ ಸೆಲೆ ಎಳಲಿ
ರಾಜಕೀಯ ಶಕ್ತಿಯಲ್ಲಿ ದೇಶಪ್ರೇಮದ ಸ್ಪೂರ್ತಿ ಚಿಮ್ಮಲಿ
ಯುವಶಕ್ತಿಗೆ ಸರಿಯಾದ ಮಾರ್ಗದರ್ಶನ ಸಿಗಲಿ

ವೀರಪ್ಪನೆ ಸೂರಪ್ಪನ್ ನೆನಪು ಮತ್ತೆ ಕಾಡದಿರಲಿ
ಒಳಜಗಳ ಹೊರಜಗಳ ಮತ್ತೆ ಏಳದಿರಲಿ
ಏನೇ ಆಗಲಿ ಸಿಹಿಯಾದ ಪ್ರೀತಿಯಿತ್ತು ನೆಮ್ಮದಿಯ ನಿಟ್ಟುಸಿರುಬಿಟ್ಟು
ಹೊಸವರುಷವ ಸ್ವಾಗತಿಸೋಣ

ನಿನಗಾಗಿ

ನೀನಿಲ್ಲದ ದಿನ ದಿನವಾಗುತ್ತಿಲ್ಲ ಎನಗಿಂದು
ನೀ ಕೇಳಲಿಲ್ಲ... ನಾ ಬಯಸಲಿಲ್ಲ
ಅರಳಿದ ಆಸೆಗೆ ಅರ್ಥ ಕೊನೆಗೂ ಮೂಡಿತು
ನೀನಿಲ್ಲದ ದಿನ ದಿನವಾಗುತ್ತಿಲ್ಲ ಎನಗಿಂದು

ಎದೆಯಲ್ಲಿ ಚಿಮ್ಮಿದ ಈ ಪ್ರೀತಿಗೆ
ಹೋಲಿಕೆ ನೀಡಲು ನನಗೆ ಆಗದಾಗಿದೆ
ಬಣ್ಣಿಸಲು ಪದಗಳೇ ಸಿಗುತ್ತಿಲ್ಲ
ನೀನಿಲ್ಲದ ದಿನ ದಿನವಾಗುತ್ತಿಲ್ಲ ಎನಗಿಂದು

ಮನ ತುಂಬ ನೀ ಇರಲು
ಎನೊ ಉಲ್ಲಾಸ ... ಎನೊ ಸಂತಸ
ಕಾರಣ ತಿಳಿಯಲು ನೀ ಬರುವೆಯ ಸನಿಹ..
ನೀನಿಲ್ಲದ ದಿನ ದಿನವಾಗುತ್ತಿಲ್ಲ ಎನಗಿಂದು

ಎಣಿಸಲಿಲ್ಲ ನನ್ನ ಬಾಳಲ್ಲಿ ಈ ದಿನ
ನನ್ನ ನಾನೇ ನಂಬಲಾರೆನು
ನನ್ನಲ್ಲಿ ನೀ ಹುದುಗಿರಲು...
ನೀನಿಲ್ಲದ ದಿನ ದಿನವಾಗುತ್ತಿಲ್ಲ ಎನಗಿಂದು